കുന്നംകുളം: ബസ് ഉടമ സംഘടന ഭാരവാഹിയെ വാട്സ്ആപ്പ് സന്ദേശം വഴി ഭീഷണിപ്പെടുത്തിയെന്ന് പരാതി. ഓള് കേരള ബസ് ഓപറേറ്റേഴ്സ് ഫോറം കുന്നംകുളം മേഖലാ പ്രസിഡന്റും ബസുടമയുമായ കെ.എ. അബ്ദുല് അസീസ് കെ.ബി.ടി.എ സംഘടന സംസ്ഥാന ഭാരവാഹിയും ബസുടമയുമായ പാലക്കാട് അലനെല്ലൂര് സ്വദേശി വി. യൂനസ് അലിക്കെതിരെ കുന്നംകുളം പൊലീസില് പരാതി നല്കി. ഇയാളുടെ മൊബൈല് നമ്പറില്നിന്നാണ് വാട്സ്ആപ്പ് വഴി ഭീഷണി സന്ദേശം ലഭിച്ചത്. കെ.ബി.ടി.എ സംഘടനയില് നിന്നും ബസ് ഉടമകള് രാജിവെച്ച് ഫോറത്തില് ചേര്ന്നതിന്െറ വിരോധമാണ് സംഭവത്തിന് പിന്നിലെന്നാണ് പരാതി. കഴിഞ്ഞ ദിവസം ഗുരുവായൂര് - പാലക്കാട് റൂട്ടില് സര്വീസ് നടത്തുന്ന രണ്ട് ബസുകളുടെ സമയത്തെ ചൊല്ലി ജീവനക്കാര് തമ്മില് തര്ക്കമുണ്ടാകുകയും പ്രശ്നം പരിഹരിക്കാന് അബ്ദുല് അസീസ് ഇടപെടുകയും ചെയ്തിരുന്നു. ഇതിലുള്ള വൈരാഗ്യവും ഭീഷണിക്ക് കാരണമാണെന്ന് പരാതിയില് പറയുന്നു. പരാതിയുടെ അടിസ്ഥാനത്തില് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.