ഒല്ലൂര്: കുരിയച്ചിറയില് നിയന്ത്രണം വിട്ട കാര് രണ്ട് കാറുകളിലും ഒരു ബൈക്കിലും രണ്ട് കാല്നടക്കാരെയും ഇടിച്ചു. ബൈക്ക് യാത്രക്കാരനായ കുരിയച്ചിറ തെക്കിനിയത്ത് വീട്ടില് ജിജി ജോസ്, കാല്നടക്കാരായ പുതൂര് വെള്ളായിക്കല് വീട്ടില് കൗസല്യ (53) അഞ്ചേരി സ്വദേശി കൃഷ്ണന് എന്നിവരെയാണ് ഇടിച്ചത്. അപകടത്തില്പെട്ടവരെല്ലാം ചികിത്സയിലാണ്. തൃശൂരില് നിന്ന് ആമ്പല്ലൂര് ഭാഗത്തേക്ക് വരുന്ന കാറാണ് അപകടത്തില്പെട്ടത്. കാല്നടക്കാരെ ഇടിച്ചശേഷം രണ്ട് കാറുകളിലും ബൈക്കിലും ഇടിച്ചു. അപകടത്തില്പെട്ട കാര് തലകീഴായി മറിഞ്ഞാണ് നിന്നത്. കാര് ഓടിച്ച കുരിയച്ചിറ സ്വദേശി വലിയ വീട്ടില് ജോസഫിനെ സ്വകാര്യ ആശുപത്രിയില് പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.