എരുമപ്പെട്ടി: കുന്നംകുളം ഉപജില്ലാ കലോത്സവത്തില് കൂടുതല് പോയന്റ് നേടിയ എരുമപ്പെട്ടി ഗവ. ഹയര് സെക്കന്ഡറി സ്കൂളിന് കിരീടം നല്കാത്ത കുന്നംകുളം ഉപജില്ലാ വിദ്യാഭ്യാസ ഓഫിസറുടെ നടപടിയില് പ്രതിഷേധം. ഓവറോള് ട്രോഫി സംബന്ധിച്ച് കഴിഞ്ഞ വെള്ളിയാഴ്ച തീരുമാനം അറിയിക്കാമെന്ന് അറിയിച്ച വിദ്യാഭ്യാസ ഓഫിസര് തിങ്കളാഴ്ചയും തീരുമാനം അറിയിക്കാത്തതിനത്തെുടര്ന്നാണ് പ്രതിഷേധം. ഉപജില്ലാ വിദ്യാഭ്യാസ ഓഫിസറുടെ നടപടിയില് സ്കൂള് പി.ടി.എ, എസ്.എം.സി, എം.പി.ടി.എ എന്നിവയുടെ സംയുക്ത യോഗം പ്രതിഷേധിച്ചു. ഓവറോള് ട്രോഫിയുമായി ബന്ധപ്പെട്ട് കുന്നംകുളത്തെ സ്വകാര്യ സ്കൂള് പുറത്തിറക്കിയ പ്രസ്താവന അടിസ്ഥാനരഹിതമാണെന്നും ഇവര് അറിയിച്ചു. സ്കൂള് കലോത്സവത്തിലും കായികമേളയിലും വിജയിച്ച എരുമപ്പെട്ടി ഗവ. ഹയര് സെക്കന്ഡറി സ്കൂളില് ബുധനാഴ്ച ആഹ്ളാദപ്രകടനം നടത്തുമെന്നും സ്കൂള് പി.ടി.എ പ്രസിഡന്റ് എം.എ. ഉസ്മാനും എസ്.എം.സി ചെയര്മാന് വി.ബി. ജയേഷും അറിയിച്ചു. എരുമപ്പെട്ടി ഗവ. ഹയര് സെക്കന്ഡറി സ്കൂളിന് ഓവറോള് കിരീടം സ്കൂളിന് നല്കാതെ തടഞ്ഞുവെച്ച നടപടിയില് യൂത്ത് കോണഗ്രസ് എരുമപ്പെട്ടി കമ്മിറ്റി യോഗം പ്രതിഷേധിച്ചു. മണ്ഡലം പ്രസിഡന്റ് എം.എം. നിഷാദ് അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.