ആനക്കര: വാര്ഡംഗം അറിയാതെ കരാറുകാര്ക്ക് ഫണ്ട് അനുവദിച്ചുനല്കിയതില് പ്രതിഷേധിച്ച് പട്ടിത്തറ ഗ്രാമപഞ്ചായത്ത് ഭരണസമിതിക്കെതിരെ പ്രതിപക്ഷം. എല്.ഡി.എഫ് ഭരണത്തിലെ ഉദ്യോഗസ്ഥരും കരാറുകാരും തമ്മിലെ അവിഹിതബന്ധമാണ് സംഭവത്തിന് പിന്നിലെന്ന് യു.ഡി.എഫ് അംഗങ്ങള് ആരോപിച്ചു. യു.ഡി.എഫ് പ്രതിനിധാനം ചെയ്യുന്ന വാര്ഡ് ഏഴ് വെങ്കരയില് 36 തെരുവ് വിളക്കുകള് പ്രവൃത്തി നടത്തിയതായി അറിയിച്ച് വാര്ഡ് അംഗത്തിന്െറ വ്യാജ ഒപ്പിട്ട് ഒരുലക്ഷം രൂപ അനുവദിക്കുകയായിരുന്നു. എന്നാല്, വാര്ഡില് അറ്റകുറ്റപ്രവൃത്തി നടത്തിയില്ളെന്നും അംഗം ഒപ്പ് വെച്ചിട്ടില്ളെന്നും യു.ഡി.എഫ് ശക്തമായി വാദിച്ചു. ഇതുമായി ബന്ധപ്പെട്ട് തിങ്കളാഴ്ച പഞ്ചായത്ത് സെക്രട്ടറിയെ യു.ഡി.എഫ് അംഗങ്ങള് തടഞ്ഞ് കാര്യങ്ങള് വെളിപ്പെടുത്തിയതോടെ പ്രശ്നത്തില് അന്വേഷണം നടത്തുമെന്ന് സെക്രട്ടറി ഉറപ്പുനല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.