മണ്ണൂര്: മണ്ണൂര് നഗരിപുറത്ത് തെരുവ് നായ്ക്കളുടെ കടിയേറ്റ് രണ്ട് ആടുകള് ചത്തു. നഗരിപുറം പുത്തന്പള്ളിയാലില് തങ്കയുടെ രണ്ടു ആടുകളെയാണ് കൂട്ടമായത്തെിയ നായകള് കടിച്ചു കൊന്നത്. ഇവരുടെ മറ്റു രണ്ടു ആടുകള്ക്ക് കടിയേറ്റു. ചൊവ്വാഴ്ച ഉച്ചക്ക് ഒരു മണിക്കാണ് സംഭവം. ഏഴ് ആടുകള് ഒന്നിച്ച് നെല്പാടത്ത് മേയുകയായിരുന്നു. ഇതിനിടയിലാണ് എട്ടോളം വരുന്ന തെരുവ് നായകള് ആടുകളെ വളഞ്ഞത്. ശബ്ദം കേട്ട് തങ്ക സംഭവസ്ഥലത്ത് ഓടിയത്തെിയെങ്കിലും രണ്ട് ആടുകള് ചത്തു. ഇതിനിടെ തങ്കക്ക് നേരെയും തെരുവ് നായകള് ആക്രമണത്തിന് മുതിര്ന്നപ്പോള് തങ്ക ഒച്ചവെച്ചതിനാല് നായകള് പിന്തിരിഞ്ഞു. ഒന്നും മൂന്നും വയസ്സായ രണ്ടു ആടുകളാണ് ചത്തത്. കഴുത്തിനും വായിലുമാണ് കടിയേറ്റത്. തെരുവ് നായകളെ കൊല്ലാന് മണ്ണൂര് പഞ്ചായത്ത് അടിയന്തര നടപടി സ്വീകരിക്കണമെന്ന ആവശ്യം ശക്തമാണ്. തെരുവ് നായകള് യാത്രക്കാര്ക്കും ഭീഷണിയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.