വടക്കഞ്ചേരി: വനഭൂമി കൈയേറി കുടിവെള്ള പദ്ധതി ടാങ്ക് നിര്മിക്കാനുള്ള പഞ്ചായത്തിന്െറ നീക്കം വനംവകുപ്പ് തടഞ്ഞു. രണ്ടുപേരെ അറസ്റ്റ് ചെയ്തു. പാലക്കുഴി അഞ്ചുമുക്കിലാണ് സംഭവം. തൊഴിലാളികളായ രവി (42), ശശി (42) എന്നിവരെയാണ് അറസ്റ്റ് ചെയ്തത്. ഇവരുടെ മൊഴിപ്രകാരം കിഴക്കഞ്ചേരി പഞ്ചായത്ത് മുന് സ്റ്റാന്ഡിങ് കമ്മിറ്റി ചെയര്മാന് എം.സി. സണ്ണി, മാത്യു ജോര്ജ്, കരാറുകാരന് വണ്ടാഴി സ്വദേശി ശ്രീകുമാര് എന്നിവര്ക്കെതിരെ വനംവകുപ്പ് കേസെടുത്തു. കൈവശ ഭൂമിയോട് ചേര്ന്ന സ്ഥലത്താണ് ടാങ്കിനായി പാറപൊട്ടിച്ച് അസ്ഥിവാരം നിര്മിച്ചത്. ഇവിടെ ടാങ്ക് നിര്മിക്കുന്നത് വനംവകുപ്പ് നേരത്തേ വിലക്കിയിരുന്നുവെങ്കിലും അത് ലംഘിച്ചാണ് വീണ്ടും നിര്മാണ പ്രവര്ത്തനം നടന്നത്. പൊതുഫണ്ട് ഉപയോഗിച്ച് ടാങ്ക് നിര്മിക്കുമ്പോള് സ്ഥലത്തിന്െറ രേഖകള് പരിശോധിക്കാതെ പഞ്ചായത്ത് അനാസ്ഥയാണ് കാണിച്ചെന്നും ചൂണ്ടിക്കാണിക്കപ്പെടുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.