തച്ചനാട്ടുകര: അമ്പത്തിമൂന്നാംമൈലില് സ്റ്റോപ്പില് നിര്ത്താതെ പാഞ്ഞ ബസുകള് രക്ഷിതാക്കള് തടഞ്ഞു. ചൊവ്വാഴ്ച രാവിലെ 8.45ന് സ്കൂള് കുട്ടികളെ കയറ്റാതിരുന്ന ബസാണ് രക്ഷിതാക്കള് തടഞ്ഞിട്ടത്. സ്ഥലത്തത്തെിയ നാട്ടുകല് പൊലീസ് ബസ്സ്റ്റേഷനിലേക്ക് കൊണ്ടുപോയി. റൂട്ടിലെ ബസുകള് സ്റ്റോപ്പില് നിര്ത്താന് നടപടി വേണമെന്ന് ആവശ്യപ്പെട്ട് നാട്ടുകാര് പൊലീസിന് പരാതി നല്കി. എന്നാല്, രാവിലെ പൊലീസ് കസ്റ്റഡിയിലെടുത്ത ബസ് വൈകുന്നേരവും സ്റ്റോപ്പില് നിന്ന് മാറി യാത്രക്കാരെ ഇറക്കി വിട്ടതായി നാട്ടുകാര് പറഞ്ഞു. പൊലീസില് പലതവണ പരാതി നല്കിയിട്ടും പ്രശ്നത്തിന് പരിഹാരമില്ലാത്തതിനാല് സ്റ്റോപ്പില് നിര്ത്താത്ത മുഴുവന് ബസുകളും തടയാനാണ് തീരുമാനമെന്ന് നാട്ടുകാര് പറഞ്ഞു. യാത്രാക്ളേശം പരിഹരിക്കാന് ഇവിടെ കെ.എസ്.ആര്.ടി.സി ടൗണ് ടു ടൗണ് ബസുകള്ക്ക് സ്റ്റോപ്പ് അനുവദിക്കണമെന്ന് ആവശ്യപ്പെട്ട് നാട്ടുകാര് അധികൃതര്ക്ക് നിവേദനം നല്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.