ആനക്കര: കിണറ്റില് ഇറങ്ങവെ ശ്വാസംമുട്ടി തളര്ന്നുവീണ ആളെ നാട്ടുകാരും പൊലീസും അഗ്നിശമനസേനയും ചേര്ന്ന് രക്ഷിച്ചു. ചാലിശ്ശേരി സ്റ്റേഷന്പരിധിയിലെ കിഴക്കെപട്ടിശ്ശേരിയില് ചൊവ്വാഴ്ച ഉച്ചതിരിഞ്ഞാണ് സംഭവം. തമിഴ്നാട് സ്വദേശി മാധവനാണ് അപകടത്തില്പെട്ടത്. വരോട് അയ്യപ്പക്ഷേത്രത്തിന് സമീപം രാജന് എന്നയാളുടെ പുരയിടത്തിലെ കിണറില് റിങ് വാര്ക്കുന്നതിനായി കണക്കെടുക്കാന് എത്തിയതായിരുന്നു ഇയാള്. തുടര്ന്ന് കിണറ്റില് ഇറങ്ങിയതോടെ ശ്വാസംമുട്ടല് അനുഭവപ്പെടുകയും തളര്ന്നുവീഴുകയുമായിരുന്നു. ഓടിക്കൂടിയ നാട്ടുകാരും ചാലിശ്ശേരി പൊലീസും ഫയര്ഫോഴ്സും ചേര്ന്ന് രക്ഷിക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.