മലപ്പുറം: കേരളത്തിലെ റോഡ് അപകടങ്ങള് കുറക്കുക എന്ന ഉദ്ദേശ്യത്തോടെ എടപ്പാള് ഐ.ഡി.ടി.ആറും കേരള റോഡ് സേഫ്റ്റി അതോറിറ്റിയും ചേര്ന്ന് നടത്തുന്ന ശാസ്ത്രീയ ഡ്രൈവിങ് പരിശീലനം പൂര്ത്തിയാക്കിയ ജില്ലയിലെ ഡ്രൈവിങ് ഇന്സ്ട്രക്ടര്മാരുടെ ആദ്യ ബാച്ച് പുറത്തിറങ്ങി. ബ്രിട്ടണില്നിന്ന് പരിശീലനം പൂര്ത്തിയാക്കിയ ഇന്സ്ട്രക്ടര്മാർ നേതൃത്വം നൽകി. ജില്ലയിലെ ആദ്യ ബാച്ചിന് ഐ.ഡി.ടി.ആര് ഡയറക്ടര് എം.എന്. പ്രഭാകരന്, ജോ. ഡയറക്ടര് പി.എം. രാജു എന്നിവർ സര്ട്ടിഫിക്കറ്റ് വിതരണം ചെയ്തു. ഹനീഫ അലിസത്ത്, ഫാരിസ്, അബ്ദുല് ജലീല്, അബ്ദുല് ലത്തീഫ് എന്നിവര് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.