കാ​ലി​ക്ക​റ്റ് ഡി.​എ​സ്.​യു ര​ക്ത​സാ​ക്ഷി​ക​ളു​ടെ പേ​രി​ൽ സ​ത്യ​പ്ര​തി​ജ്ഞ; വി.​സി ഇ​റ​ങ്ങി​പ്പോ​യി

തേ​ഞ്ഞി​പ്പ​ലം: കാ​ലി​ക്ക​റ്റ് സ​ർ​വ​ക​ലാ​ശാ​ല​യി​ൽ ഡി​പ്പാ​ർ​ട്മെ​ന്റ് സ്റ്റു​ഡ​ന്റ്സ് യൂ​നി​യ​ൻ (ഡി.​എ​സ്.​യു) ഭാ​ര​വാ​ഹി​ക​ളു​ടെ സ​ത്യ​പ്ര​തി​ജ്ഞ ച​ട​ങ്ങ് വി​വാ​ദ​ത്തി​ൽ. സ​ർ​വ​ക​ലാ​ശാ​ല നി​ർ​ദേ​ശി​ച്ച ഔ​ദ്യോ​ഗി​ക സ​ത്യ​പ്ര​തി​ജ്ഞാ വാ​ച​ക​ങ്ങ​ൾ ഉ​പ​യോ​ഗി​ക്കാ​തെ, സ്വ​ന്തം നി​ല​യി​ൽ സ​ത്യ​പ്ര​തി​ജ്ഞ ന​ട​ത്താ​ൻ ശ്ര​മി​ച്ച​തി​ൽ പ്ര​തി​ഷേ​ധി​ച്ച് വൈ​സ് ചാ​ൻ​സ​ല​ർ ഡോ. ​പി. ര​വീ​ന്ദ്ര​ൻ ച​ട​ങ്ങ് റ​ദ്ദാ​ക്കു​ക​യും ച​ട​ങ്ങി​ൽ​നി​ന്ന് ഇ​റ​ങ്ങി​പ്പോ​വു​ക​യും ചെ​യ്തു.

ച​ട​ങ്ങി​നി​ടെ ഡി.​എ​സ്.​യു ഭാ​ര​വാ​ഹി​ക​ൾ ‘ന​വ​ലോ​ക ക്ര​മ​ത്തി​നാ​യു​ള്ള പോ​രാ​ട്ട​ത്തി​ൽ ജീ​വ​ൻ ന​ഷ്ട​പ്പെ​ട്ട അ​ന​ശ്വ​ര ര​ക്ത​സാ​ക്ഷി​ക​ളു​ടെ പേ​രി​ൽ’ സ​ത്യ​പ്ര​തി​ജ്ഞ ചെ​യ്യു​ന്ന​താ​യി ഉ​ച്ച​രി​ച്ച​തോ​ടെ​യാ​ണ് പ്ര​ശ്ന​ങ്ങ​ളു​ടെ തു​ട​ക്കം. സ​ർ​വ​ക​ലാ​ശാ​ല ന​ൽ​കി​യ ഔ​ദ്യോ​ഗി​ക സ​ത്യ​പ്ര​തി​ജ്ഞാ വാ​ച​ക​ങ്ങ​ൾ ഒ​ഴി​വാ​ക്കി സ​ത്യ​പ്ര​തി​ജ്ഞ ചെ​യ്താ​ൽ അ​ത് നി​യ​മ​പ​ര​മാ​യി നി​ല​നി​ൽ​ക്കി​ല്ലെ​ന്ന് വൈ​സ് ചാ​ൻ​സ​ല​ർ ര​ണ്ടു പ്രാ​വ​ശ്യം ഭാ​ര​വാ​ഹി​ക​ളെ അ​റി​യി​ച്ചു. സ​ർ​വ​ക​ലാ​ശാ​ല ച​ട്ട​ങ്ങ​ൾ അ​നു​സ​രി​ച്ച് ദൃ​ഢ​പ്ര​തി​ജ്ഞ​യോ ദൈ​വ​നാ​മ​ത്തി​ൽ പ്ര​തി​ജ്ഞ​യോ സ്വീ​ക​രി​ക്ക​ണ​മെ​ന്ന് വൈ​സ് ചാ​ൻ​സ​ല​ർ ആ​വ​ശ്യ​പ്പെ​ട്ടെ​ങ്കി​ലും ഭാ​ര​വാ​ഹി​ക​ൾ അം​ഗീ​ക​രി​ക്കാ​ൻ ത​യാ​റാ​യി​ല്ല.

ഇ​തോ​ടെ സ്ഥി​തി​ഗ​തി​ക​ൾ വ​ഷ​ളാ​വു​ക​യും നി​യ​മ​പ​ര​മാ​യ മാ​ന​ദ​ണ്ഡ​ങ്ങ​ൾ പാ​ലി​ക്ക​പ്പെ​ടാ​ത്ത സാ​ഹ​ച​ര്യ​ത്തി​ൽ ച​ട​ങ്ങ് തു​ട​രാ​നാ​കി​ല്ലെ​ന്ന് വ്യ​ക്ത​മാ​ക്കി വൈ​സ് ചാ​ൻ​സ​ല​ർ സ​ത്യ​പ്ര​തി​ജ്ഞ ച​ട​ങ്ങ് റ​ദ്ദാ​ക്കി ഇ​റ​ങ്ങി​പ്പോ​വു​ക​യും ചെ​യ്തു. ഇ​തോ​ടെ ര​ജി​സ്ട്രാ​ർ ഡി​നോ​ജ് സെ​ബാ​സ്റ്റ്യ​നും ച​ട​ങ്ങി​ൽ​നി​ന്ന് പി​ന്മാ​റി.