കുരുവമ്പലം-പൂതാനി കുളമ്പ് ജപ്പാൻ കുടിവെള്ള പദ്ധതി യാഥാർഥ്യമാവുന്നു

പുലാമന്തോൾ: കുരുവമ്പലം പ്രദേശത്ത് കുടിവെള്ളക്ഷാമം രൂക്ഷമായ പൂതാനിക്കുളമ്പിലേക്ക് ജപ്പാൻ കുടിവെള്ള പദ്ധതിയുടെ പൈപ്പ് ലൈൻ ദീർഘിപ്പിക്കുന്നതിൻെറ പ്രവൃത്തി ദിവസങ്ങൾക്കകം തുടക്കമാവും. ജില്ല പഞ്ചായത്തംഗങ്ങളായ സലീം കുരുവമ്പലം, എം.കെ. റഫീഖ എന്നിവരുടെ ശ്രമഫലമായാണ് ജില്ല പഞ്ചായത്ത് 5,40,000 രൂപയുടെ ഫണ്ട് അനുവദിച്ചത്. ടെൻഡർ നടപടി പൂർത്തിയായെങ്കിലും പ്രവർത്തന എഗ്രിമൻെറ് നിലവിൽ വരുന്നതോടെ പദ്ധതിക്ക് തുടക്കമാവും.