കൊണ്ടോട്ടി: പഠനപ്രവർത്തനങ്ങളുടെ ഭാഗമായി കുട്ടികളുടെ പങ്കാളിത്തത്തോടെ തവനൂർ സൗത്ത് എ.എം.എൽ.പി സ്കൂൾ വിദ്യാർഥി കൾ 'ജീവാമൃതം' പദ്ധതിക്ക് തുടക്കം കുറിക്കുന്നു. ഒരുവർഷം നീണ്ടുനിൽക്കുന്ന പരിസ്ഥിതി സംരക്ഷണവുമായി ബന്ധപ്പെട്ട വിവിധ പരിപാടികളാണ് പദ്ധതിയുടെ ഭാഗമായി നടക്കുക. ബോധവത്കരണ ക്ലാസ് മുതുവല്ലൂർ ഗ്രാമപഞ്ചായത്ത് പ്രസിഡൻറ് കെ.എ. സഗീർ ഉദ്ഘാടനം ചെയ്തു. പി.ടി.എ പ്രസിഡൻറ് ശിഹാബ് കുഴിഞ്ഞൊളം അധ്യക്ഷത വഹിച്ചു. പദ്ധതി കോഓഡിനേറ്റർ എം.പി. ഷരീഫ പദ്ധതി വിശദീകരിച്ചു. പരിസ്ഥിതി സംരക്ഷണ പ്രവർത്തകൻ അബ്ദു അരീക്കോട് ക്ലാസെടുത്തു. 400 തൈകൾ വിതരണം ചെയ്തു. പ്രധാനാധ്യാപിക ആർ. സുജാത, സി. ഷഹർബാൻ, കെ.വി. ആയിഷ, ബഷീർ, ആമിന, എം. ജയശ്രീ, പി.കെ. റജുല, കെ. നിഷാഹ്, മുഹമ്മദ് ഇഖ്ബാൽ, അബ്ദുൽ നൂർ, മുബശ്ശിറ, മുഹമ്മദ് മിഷാൽ, ഉമ്മുഹബീബ, കെ.സി. അബ്ദുൽ റസാഖ്, ടി.കെ. സക്കീന, സുനിത തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.