കോൺഗ്രസ്​ പ്രകടന പത്രിക ഇന്ന്​

ന്യൂഡൽഹി: കോൺഗ്രസ് പ്രകടനപത്രിക ചൊവ്വാഴ്ച പുറത്തിറക്കും. മിനിമം വരുമാനം ഉറപ്പാക്കുമെന്ന പ്രധാന വാഗ്ദാനം ഇ തിനകം പാർട്ടി അധ്യക്ഷൻ രാഹുൽ ഗാന്ധി പ്രവർത്തക സമിതി യോഗത്തിനു ശേഷം പ്രഖ്യാപിച്ചിരുന്നു. ഗരീബ് പരിവാർ, ബഹത്തർ ഹസാർ (ദരിദ്ര സമൂഹത്തിന് 72,000 രൂപ) എന്ന മുദ്രാവാക്യം ഇതിന് അനുസൃതമായി മുന്നോട്ടുവെക്കും. 22 ലക്ഷം സർക്കാർ ജോലി, കാർഷിക വായ്പ എഴുതിത്തള്ളൽ എന്നീ വാഗ്ദാനങ്ങളും രാഹുൽ മുന്നോട്ടു വെച്ചിട്ടുണ്ട്. നിതി ആയോഗ് ഇല്ലാതാക്കുമെന്നും ആന്ധ്രപ്രദേശിനും വടക്കു കിഴക്കൻ സംസ്ഥാനങ്ങൾക്കും പ്രത്യേക പദവി നൽകുമെന്നും രാഹുൽ തെരഞ്ഞെടുപ്പു വേദികളിൽ പ്രഖ്യാപിച്ചിട്ടുണ്ട്. ഇൗ വാഗ്ദാനങ്ങളും പ്രകടനപത്രികയിൽ ഇടംപിടിക്കും.