കോട്ടക്കൽ: സ്ത്രീകെള മൊബൈൽ ഫോൺ വഴി വിളിച്ച് പരിചയം നടിച്ച് പണവും ആഭരണവും തട്ടുന്നത് തുടർക്കഥയാക്കിയ വിരുതൻ പിടിയിൽ. കോട്ടക്കൽ സ്വാഗതമാടിലെ കാലൊടി മുതുവിൽ തൗഫീദിനെയാണ് (28) എസ്.ഐ റിയാസ് ചാക്കീരീ അറസ്റ്റ് ചെയ്തത്. കുറ്റിപ്പുറം മൂടാലുള്ള ഭർതൃമതിയായ യുവതിയാണ് പരാതിക്കാരി. ഫോൺ വഴി സുഹൃദ്ബന്ധം സ്ഥാപിച്ച തൗഫീദ് വിവിധ ഘട്ടങ്ങളിലായി യുവതിയിൽനിന്ന് പണവും ആഭരണവും കൈവശപ്പെടുത്തുകയായിരുന്നു. ജോലി, മാതാവിെൻറ ചികിത്സ തുടങ്ങിയ കാരണങ്ങൾ പറഞ്ഞാണ് ഇവ കൈക്കലാക്കിയത്. യുവതിയുടെ കൈവശമുണ്ടായിരുന്ന നാലര പവൻ സ്വർണവും രണ്ടു ലക്ഷം രൂപയുമാണ് തൗഫീദ് സ്വന്തമാക്കിയതെന്ന് പരാതിയിൽ പറയുന്നു. തിരിച്ചുകിട്ടാത്തതിനെ തുടർന്ന് കഴിഞ്ഞ 24നായിരുന്നു യുവതി പരാതി നൽകിയത്. സൈബർ സെല്ലിെൻറ സഹായത്തോടെയാണ് ഇയാളെ പിടികൂടിയത്. ജില്ലയിലെ വിവിധ ഭാഗങ്ങളിലും സമാന തട്ടിപ്പ് നടത്തിയതായി അന്വേഷണത്തിൽ അറിയാൻ കഴിഞ്ഞതായി എസ്.ഐ പറഞ്ഞു. കരുവാരകുണ്ട് സ്റ്റേഷനിൽ മറ്റൊരു കേസിലും തൗഫീദ് പ്രതിയാണ്. ഇയാളെ മലപ്പുറം കോടതിയിൽ ഹാജരാക്കി മഞ്ചേരിയിലെ ജയിലിലടച്ചു. കൂടുതൽ അന്വേഷണത്തിന് പ്രതിയെ കസ്റ്റഡിയിൽ വാങ്ങും. അഡീഷനൽ എസ്.ഐ അജിത് പ്രസാദ്, സി.പി.ഒമാരായ കൈലാസ്, സുജിത്, സജി അലക്സാണ്ടർ, ബിനു ലാൽ എന്നിവരാണ് അന്വേഷണ സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.