പാലക്കാട്: സംസ്ഥാന ക്ഷേമനിധി ബോര്ഡ് അംഗത്വം പുതുക്കുക, വര്ധിപ്പിച്ച അംശാദായം ഗഡുക്കളായി അടക്കാന് സൗകര്യം ഏര്പ്പെടുത്തുക, മരണാനന്തര ആനുകൂല്യം അഞ്ച് ലക്ഷമായി വര്ധിപ്പിക്കുക, ബാര്ബർ-ബ്യൂട്ടിഷ്യന് തൊഴിലാളികളെ ഇ.എസ്.ഐ പരിധിയില് ഉള്പ്പെടുത്തുക എന്നീ ആവശ്യങ്ങള് ഉന്നയിച്ച് കേരള സ്റ്റേറ്റ് ബാര്ബര് ബ്യൂട്ടിഷ്യന്സ് അസോസിയേഷെൻറ നേതൃത്വത്തില് കലക്ടറേറ്റിലേക്ക് മാര്ച്ചും ധര്ണയും സംഘടിപ്പിക്കുമെന്ന് ഭാരവാഹികള് അറിയിച്ചു. മാര്ച്ച് 10ന് രാവിലെ പത്തിന് സംസ്ഥാന എക്സിക്യൂട്ടീവ് അംഗം എ. സുരേഷ് ഉദ്ഘാടനം ചെയ്യും. അന്നേ ദിവസം ജില്ലയിലെ അസോസിയേഷന് അംഗങ്ങളുടെ ബാര്ബര്-ബ്യൂട്ടിഷ്യന് സ്ഥാപനങ്ങള്ക്ക് അവധിയായിരിക്കും. വാർത്തസമ്മേളനത്തിൽ പ്രസിഡൻറ് പി. സുബ്രഹ്മണ്യന്, യു.എന്. തമ്പി, എ. സുരേഷ് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.