കൊണ്ടോട്ടി: റദ്ദാക്കിയ പദ്ധതികൾ പ്രതിപക്ഷ കൗൺസിലർമാരുടെ പരാതിയുടെ അടിസ്ഥാനത്തിൽ ജില്ല ആസൂത്രണ സമിതി പുനഃസ്ഥാപിച്ചതിന് പിറകെ കൊണ്ടോട്ടി നഗരസഭയിൽ വീണ്ടും പദ്ധതികൾ റദ്ദാക്കി. 60 ലക്ഷം രൂപയുടെ 24 വികസന പദ്ധതികളാണ് കഴിഞ്ഞ ദിവസം ചേർന്ന കൗൺസിൽ യോഗം റദ്ദാക്കിയത്. പുനഃസ്ഥാപിക്കാൻ നിർദേശിച്ച പദ്ധതികൾ അംഗീകരിക്കുന്നതിനായി ചേർന്ന യോഗത്തിലാണ് ഇവ റദ്ദാക്കിയത്. വലിയ തോടിലുൾപ്പെടെയുള്ള വി.സി.ബിയുടെ അറ്റകുറ്റപ്പണികൾ റദ്ദാക്കിയതിൽ പ്രധാനപ്പെട്ടതാണ്. എേട്ടാളം വി.സി.ബികളുടെ അറ്റകുറ്റപണി പദ്ധതിയിൽ ഉൾപ്പെട്ടിരുന്നു. എൻ.എച്ച് കോളനി സ്കൂളിൽ സ്റ്റേഡിയം ആദ്യഘട്ട നിർമാണത്തിന് നീക്കിവെച്ച 10 ലക്ഷം രൂപ റദ്ദാക്കി. മാസങ്ങളായി തകർന്ന തുറക്കൽ-വിമാനത്താവള റോഡിെൻറ നവീകരണത്തിന് 11 ലക്ഷം രൂപ വകയിരുത്തിയിരുന്നു. കൂടാതെ, നിരവധി അംഗൻവാടികളുടെ പുനരുദ്ധാരണവുമാണ് റദ്ദാക്കിയവയിൽ ഉൾപ്പെട്ടത്. എസ്റ്റിമേറ്റ് തയാറാക്കി സാേങ്കതികാനുമതി ലഭിച്ച പദ്ധതികളാണ് റദ്ദാക്കിയത്. ഇവയിൽ അധികവും പ്ലാൻ ഫണ്ടിൽ നിന്നാണ് തുക നീക്കിവെച്ചത്. പദ്ധതി റദ്ദാക്കുന്നേതാടെ ഇൗ തുകയും നഷ്ടപ്പെടും. എഗ്രിമെൻറ് ഇല്ലെന്ന കാരണത്താലാണ് സ്പിൽ ഒാവറായ പദ്ധതികൾ റദ്ദാക്കിയത്. വീണ്ടും ഇവ നടപ്പാക്കണമെങ്കിൽ നടപടിക്രമങ്ങൾ ഇനിയും ആവർത്തിക്കണം. ഇതിന് സമയമെടുക്കുന്നതോടെ വിവിധ വികസന പ്രവർത്തനങ്ങളിൽ കാലതാമസവും വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.