നിലമ്പൂർ: വഴിക്കടവ് പഞ്ചായത്ത് അങ്ങാടിയിൽ മനോഹരമായ ബസ് കാത്തിരിപ്പ് കേന്ദ്രമാണ് അർജൻറീന ഫാൻസിെൻറ സംഭാവന. പൊലീസ് സ്റ്റേഷൻപടി ഫാൻസാണ് കെ.എൻ.ജി റോഡരികിൽ ഏറെ സൗകര്യത്തോടെ കാത്തിരിപ്പ് കേന്ദ്രം നിർമാണം പൂർത്തീകരിച്ചത്. ഇഷ്ടതാരമായ മെസ്സിയുടെ വലിയ ചിത്രം ഉൾെപ്പടെ ടീമിെൻറ മൊത്തം ചിത്രവുംകൊണ്ട് കാത്തിരിപ്പ് കേന്ദ്രം അലങ്കരിച്ചിട്ടുണ്ട്. മേൽകൂരയുടെ ഷീറ്റിനും അർജൻറീന ജഴ്സിയുടെ നിറമാണ് നൽകിയിട്ടുള്ളത്. ഇവിടെ യാത്രക്കാർ കടവരാന്തകളിലാണ് ബസ് കാത്ത് നിന്നിരുന്നത്. ഇൗ ആവശ്യം കണ്ടറിഞ്ഞായിരുന്നു ഫാൻസിെൻറ ഇടപെടൽ. ഇരുമ്പ് പൈപ്പുകൾകൊണ്ടും നല്ലയിനം ഷീറ്റുകൊണ്ടും നിർമിച്ച ഇതിന് 40,000 രൂപയോളം ചെലവ് വന്നതായി ഫാൻസ് അംഗങ്ങളായ മിഥുൻ, ജംഷീർ, അജ്മൽ ഷുഹൈദ്, ഷിഹാബുദ്ദീൻ, ഷഫീഖ് എന്നിവർ പറഞ്ഞു. പടം:4- അർജൻറീന ഫാൻസ് വഴിക്കടവ് പഞ്ചായത്ത് അങ്ങാടിയിൽ നിർമിച്ച ബസ് കാത്തിരിപ്പ് കേന്ദ്രം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.