നിലമ്പൂർ: ഗവ. മാനവേദൻ സ്കൂൾ മികവിെൻറ കേന്ദ്രമാക്കുന്ന പൊതുഫണ്ടിലേക്കുള്ള ആദ്യസംഭാവന പൂർവ വിദ്യാർഥി കൂടിയായ നഗരസഭ ചെയർപേഴ്സൻ കൈമാറി. നഗരസഭയിൽ നടന്ന ചടങ്ങിൽ പ്രിൻസിപ്പൽ അനിത എബ്രാഹം, പി.ടി.എ പ്രസിഡൻറ് കെ.വി. മുജീബ് എന്നിവർ ചേർന്ന് ഫണ്ട് ഏറ്റുവാങ്ങി. 18 കോടിയോളം രൂപയാണ് അന്താരാഷ്ട്ര നിലവാരത്തിലേക്ക് സ്കൂൾ ഉയർത്താൻ ചെലവ് കാണുന്നത്. ആദ്യഘട്ട പ്രവൃത്തിക്ക് 8.27 കോടിരൂപയാണ് കാണേണ്ടത്. അഞ്ച് കോടി രൂപ സംസ്ഥാന സർക്കാരും ഒരു കോടി രൂപ പി.വി. അൻവർ എം.എൽ.എയുടെ ആസ്തി വികസന ഫണ്ടിൽനിന്ന് അനുവദിച്ചിട്ടുണ്ട്. ബാക്കി വരുന്ന 2.27 കോടി രൂപ പൊതുജനങ്ങളിൽനിന്നാണ് സമാഹരിക്കേണ്ടത്. കൗൺസിലർമാരായ പി. ഷേർളി മോൾ, പി.ടി. കുഞ്ഞുമുഹമ്മദ്, സുരേഷ്പാത്തിപ്പാറ, പി. ഗോപാലകൃഷ്ണൻ, പി.ടി.എ അംഗം സി. വിനോദ് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.