പാലക്കാട്: എക്സൈസ് സർക്കിൾ ഓഫിസും എക്സൈസ് ഇൻറലിജൻസും സംയുക്തമായി നടത്തിയ പരിശോധനയിൽ പാലക്കാട് ജങ്ഷൻ റെയിൽവേ സ്റ്റേഷൻ, വാളയാർ ടോൾ പ്ലാസ എന്നിവിടങ്ങളിൽ നിന്നായി 2.280 കിലോ കഞ്ചാവ് പിടികൂടി. റെയിൽവേ സ്റ്റേഷനിൽനിന്ന് രണ്ട് കിലോ കഞ്ചാവുമായി അസം സ്വദേശി രഞ്ജൻ ഖനിക്കറിനെയും (34), വാളയാർ ടോൾ പ്ലാസക്കടുത്ത് നടത്തിയ വാഹന പരിശോധനയിൽ 280 ഗ്രാം കഞ്ചാവുമായി എറണാകുളം തൃപ്പൂണിത്തുറ സ്വദേശികളായ സൂരജ് (23) നെയും 17 വയസ്സുള്ള രണ്ട് പ്ലസ് ടു വിദ്യാർഥികളെയുമാണ് എക്സൈസ് സംഘം പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. പാലക്കാട് എക്സൈസ് സർക്കിൾ ഇൻസ്പെക്ടർ പി.കെ. സതീഷിെൻറ നേതൃത്വത്തിലുള്ള സംഘമാണ് പരിശോധന നടത്തിയത്. എക്സൈസ് ഇൻസ്പെക്ടർ വി. അനൂപ്, പി.ഒമാരായ ജെ.ആർ. അജിത്ത്, പി.എൻ. രാജേഷ് കുമാർ, പി. സന്തോഷ് കുമാർ, എ. വിപിൻദാസ്, വി. സജീവ്, പി.എം. മുഹമ്മദ് ഷെരീഫ്, സി.ഇ.ഒമാരായ സേതുനാഥ്, പ്രസാദ് ഡ്രൈവർ രവികുമാർ എന്നിവർ പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.