കൊണ്ടോട്ടി: കരിപ്പൂർ വിമാനത്താവളത്തിൽ ജൂലൈ 24ന് വിമാനത്താവള അതോറിറ്റി ചെയർമാൻ ഗുരുപ്രസാദ് മെഹ്പാത്രയുടെ സന്ദർശനത്തോടനുബന്ധിച്ചുള്ള പരിശോധനക്ക് വിദഗ്ധ സംഘമെത്തി. പരിശോധന ചൊവ്വാഴ്ച ആരംഭിക്കും. ചെന്നൈ മേഖല കേന്ദ്രത്തിെല എക്സിക്യൂട്ടിവ് ഡയറക്ടർ എസ്. ശ്രീകുമാർ, ഡൽഹി കേന്ദ്രത്തിലെ എൻജിനീയറിങ് വിഭാഗം എക്സിക്യൂട്ടിവ് ഡയറക്ടർ എസ്. സുരേഷ് എന്നിവരുടെ നേതൃത്വത്തിലുള്ള സംഘമാണ് പരിശോധന നടത്തുക. എസ്. ശ്രീകുമാറിെൻറ നേതൃത്വത്തിലുള്ള സംഘം തിങ്കളാഴ്ച രാത്രിയോടെ കരിപ്പൂരിലെത്തി. എസ്. സുരേഷ് ചൊവ്വാഴ്ച രാവിലെയാണ് എത്തുക. വിമാനത്താവള വികസനത്തിന് പദ്ധതികൾ തയാറാക്കാനാണ് ചെയർമാൻ കരിപ്പൂർ സന്ദർശിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.