തച്ചനാട്ടുകര: ചെത്തല്ലൂർ ബാങ്ക് ശാഖയിൽ കവർച്ച നടത്താൻ ശ്രമിച്ച കേസിൽ യുവാവ് അറസ്റ്റിൽ. ചെത്തല്ലൂർ സ്വദേശി ആനക്കുഴി ശ്രീകുമാറിനെയാണ് (ശ്രീക്കുട്ടൻ-26) വ്യാഴാഴ്ച വൈകീട്ട് നാലിന് കരിങ്കല്ലത്താണിയിൽനിന്ന് നാട്ടുകൽ പൊലീസ് അറസ്റ്റ് ചെയ്തത്. മുഹമ്മദ് നാസർ എന്ന പേരും ഇയാൾ സ്വീകരിച്ചിരുന്നതായി പൊലീസ് പറയുന്നു. വില്ലേജ് ഒാഫിസ്, ഹോമിയോ ക്ലിനിക്, ശ്രീകൃഷ്ണക്ഷേത്രം ഭണ്ഡാരം എന്നിവ കുത്തിത്തുറന്ന് മോഷണം നടത്തിയത് ഇയാളാണ്. ബാങ്ക് ശാഖയിലെ സി.സി.ടി.വി ദൃശ്യങ്ങളാണ് തെളിവായത്. പെരിന്തൽമണ്ണ, ചെർപ്പുളശേരി, നാട്ടുകൽ പൊലീസ് സ്റ്റേഷൻ പരിധിയിൽ ഇയാൾക്കെതിരെ കേസുണ്ട്. പ്രതി സഞ്ചരിച്ചിരുന്ന ബൈക്ക്, പൂട്ട് പൊളിക്കാനുപയോഗിക്കുന്ന ആയുധങ്ങൾ, മുഖംമൂടി എന്നിവ താമസസ്ഥലത്തുനിന്ന് കണ്ടെത്തി. നാട്ടുകൽ എസ്.ഐ ജയപ്രസാദ്, എ.എസ്.ഐമാരായ രാമദാസൻ, ഷെരീഫ്, സി.പി.ഒ പ്രശാന്ത്, ദാമോദരൻ, റഫീഖ് എന്നിവരാണ് പൊലീസ് സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.