വടകര: കറുപ്പ് കടത്തുന്നതിനിെട പിടിയിലായ പ്രതിക്ക് കഠിന തടവും പിഴയും ശിക്ഷ. മലപ്പുറം പാണ്ടിക്കാട് മങ്ങാടന്കുന്ന് വള്ളുവങ്ങാട് പൈക്കാടന് അബ്ദുൽ ഖാദറിനെയാണ് (62) വടകര എന്.ഡി.പി.എസ് കോടതി ജഡ്ജി എം.വി. രാജകുമാര ശിക്ഷിച്ചത്. 15 വര്ഷം കഠിനതടവും രണ്ടു ലക്ഷം രൂപ പിഴയുമാണ് ശിക്ഷ. പിഴ അടച്ചില്ലെങ്കില് ഒരു വര്ഷംകൂടി കഠിന തടവ് അനുഭവിക്കണം. 2008 മാര്ച്ച് രണ്ടിനാണ് കേസിനാസ്പദമായ സംഭവം. കോഴിക്കോട് ബീച്ച് റോഡിലെ കോടതി ജങ്ഷനില് പ്ലാസ്റ്റിക് കവറില് പൊതിഞ്ഞ ഒരു കിലോ വീതമുള്ള നാല് പാക്കറ്റ് കറുപ്പുമായിട്ടാണ് പ്രതിയെ പൊലീസ് അറസ്റ്റ് ചെയ്യുന്നത്. പിന്നീട് ചോദ്യംചെയ്തതില്നിന്ന് ലഭിച്ച വിവരത്തിെൻറ അടിസ്ഥാനത്തില് ഇയാളുടെ കാറില് നടത്തിയ പരിശോധനയില് ഒരു കിലോ വീതമുള്ള രണ്ട് പാക്കറ്റ് കറുപ്പും പിടിച്ചെടുത്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.