കൊണ്ടോട്ടി: കരിപ്പൂർ വിമാനത്താവളത്തിൽ എയർ കസ്റ്റംസ് ഇൻറലിജൻസ് 46.18 ലക്ഷം രൂപയുടെ സ്വർണം പിടികൂടി. ഷാര്ജയില്നിന്നെത്തിയ യാത്രക്കാരന് അടിവസ്ത്രത്തിലും ചെരിപ്പിനുള്ളിലുമായി ഒളിപ്പിച്ചുകടത്താൻ ശ്രമിച്ച 1450 ഗ്രാം സ്വർണമാണ് പിടികൂടിയത്. മലപ്പുറം ഇരിവേറ്റി സ്വദേശി പുത്തന്കുടിയന് ഷിജുവിൽ (32) നിന്നാണ് സ്വര്ണം കണ്ടെത്തിയത്. ചൊവ്വാഴ്ച പുലർച്ച എയര് അറേബ്യയുടെ ഷാര്ജ വിമാനത്തിലാണ് ഇയാൾ കരിപ്പൂരിെലത്തിയത്. മുന്കൂട്ടി വിവരം ലഭിച്ചതിനെ തുടർന്ന് കസ്റ്റംസ് ഉദ്യോഗസ്ഥർ ഇയാളെ തടഞ്ഞുനിർത്തി പരിശോധിക്കുകയായിരുന്നു. ശരീര പരിശോധനയിലാണ് അടിവസ്ത്രത്തിനുള്ളില് ഒളിപ്പിച്ച നിലയില് രണ്ട് സ്വര്ണത്തരികളടങ്ങിയ സംയുക്തത്തിെൻറ പാക്കറ്റുകൾ കണ്ടെടുത്തത്. ഇയാള് ധരിച്ചിരുന്ന െചരിപ്പിൽനിന്നും രണ്ട് പാക്കറ്റുകള്കൂടി കണ്ടെടുത്തു. ഇവയിൽ നിന്നുമാണ് 1450 ഗ്രാം സ്വർണം വേർതിരിച്ചെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.