ഫറോക്ക്: . രാമനാട്ടുകര-ഫാറൂഖ് കോളജ് റോഡിൽ തിരുത്തിമ്മൽ വീട്ടിൽ ആലിക്കോയയുടെ വീട്ടിലാണ് മോഷണം നടന്നത്. ശനിയാഴ്ച വൈകീട്ട് അഞ്ചിന് ഇവർ വീടുപൂട്ടി വിരുന്നു പോയിരുന്നു. ഞായറാഴ്ച ഉച്ചക്ക് ഒരു മണിയോടെ തിരിച്ചെത്തിയപ്പോഴാണ് മോഷണവിവരം അറിയുന്നത്. മുൻവശത്തെ വാതിൽ തകർത്താണ് മോഷ്ടാവ് അകത്തു കയറിയത്. അലമാരയിൽ സൂക്ഷിച്ചിരുന്ന ഒരു പവൻ സ്വർണമാല, വിലകൂടിയ നാലു വാച്ചുകൾ, ഉൾപ്പെടെ 1,25,000 രൂപയുടെ സാധനങ്ങളാണ് നഷ്ടപ്പെട്ടത്. കൂടാതെ, സി.സി.ടി.വിയുടെ ഡി.വി.ആറും മോഷ്ടിച്ചിട്ടുണ്ട്. ഫറോക്ക് പൊലീസ് കേസെടുത്തു. തിങ്കളാഴ്ച വിരലടയാള വിദഗ്ധർ പരിശോധന നടത്തി കൂടുതൽ തെളിവുകൾ ശേഖരിച്ച് പ്രതികളെ വലയിലാക്കാൻ കഴിയുമെന്ന് ഫറോക്ക് സി.ഐ കെ. കൃഷ്ണൻ പറഞ്ഞു. ഫറോക്ക് എസ്.ഐ എം.സി. ഹരീഷിനാണ് കേസന്വേഷണ ചുമതല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.