കോടഞ്ചേരി: താമരശ്ശേരി ഉപ ജില്ല വിദ്യാരംഗം കലാ സാഹിത്യവേദിയുടെ നേതൃത്വത്തിൽ കണ്ണോത്ത് സൻെറ് ആൻറണീസ് യു.പി സ്കൂളിൽ സാഹിത്യശിൽപശാല സംഘടിപ്പിച്ചു. പുതുപ്പാടി ഗ്രാമപഞ്ചായത്ത് പ്രസിഡന്റ് പി.ആർ രാഗേഷ് ഉദ്ഘാടനം ചെയ്തു. കഥാരചന, കവിതാരചന, ചിത്രരചന, കാവ്യാലാപനം, നാടൻപാട്ട്, അഭിനയം, പുസ്തകാസ്വാദനം എന്നീ വിഭാഗങ്ങളിലായി വിവിധ സ്കൂളുകളിൽനിന്നുള്ള മുന്നൂറോളം കുട്ടികൾ ശിൽപശാലയിൽ പങ്കെടുത്തു. താമരശ്ശേരി എ.ഇ.ഒ മുഹമ്മദ് അബ്ബാസ് പദ്ധതി വിശദീകരിച്ചു. പുതുപ്പാടി പഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ജലീൽ അധ്യക്ഷതവഹിച്ചു. കണ്ണോത്ത് യു.പി സ്കൂൾ ഹെഡ്മാസ്റ്റർ കെ.യു. ജോർജ്, വാർഡ് അംഗം അംബിക മംഗലത്ത്, ദിലീപ് കുമാർ, കെ. ഷൈജ, ഗോവിന്ദൻ കുട്ടി, ഷൈല പടപ്പനാരി എന്നിവർ സംസാരിച്ചു. വിദ്യാരംഗം കോഓഡിനേറ്റർ കെ.പി. വാസു നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.