പയ്യോളി: ശാസ്ത്രസാഹിത്യ പരിഷത്ത് മുൻ സംസ്ഥാന പ്രസിഡൻറ് കൊടക്കാട് ശ്രീധരൻ മാസ്റ്ററുടെ ഒന്നാം ചരമവാർഷികദിനം 'ഓർമ' എന്ന തലക്കെട്ടിൽ വിവിധ പരിപാടികളോടെ ആചരിച്ചു. കേരള ശാസ്ത്രസാഹിത്യ പരിഷത്തിൻെറ ആഭിമുഖ്യത്തിൽ പയ്യോളി പെരുമ ഓഡിറ്റോറിയത്തിൽ നടന്ന അനുസ്മരണ സമ്മേളനം എൻ.സി.ആർ.ടി മുൻഡയറക്ടർ പ്രഫ. എം.എ. ഖാദർ ഉദ്ഘാടനം ചെയ്തു. മേലടി ബ്ലോക്ക് പഞ്ചായത്ത് പ്രസിഡൻറ് കെ. കുഞ്ഞിരാമൻ അധ്യക്ഷത വഹിച്ചു. 'ദേശീയ വിദ്യാഭ്യാസനയം, വിമർശനാത്മകമായ വിലയിരുത്തൽ' എന്ന വിഷയത്തിൽ പ്രഫ. എം.എ. ഖാദർ ക്ലാസെടുത്തു. കെ.കെ. കൃഷ്ണകുമാർ കൊടക്കാട് അനുസ്മരണപ്രഭാഷണം നടത്തി. 'ശാസ്ത്രത്തിൻെറ നേർവഴികളിലൂടെ'എന്ന പുസ്തകം സി.പി. അബൂബക്കർ നഗരസഭ ചെയർപേഴ്സൻ വി.ടി. ഉഷക്ക് നൽകി പ്രകാശനം ചെയ്തു. ശാസ്ത്രസാഹിത്യ പരിഷത്ത് മുൻ സംസ്ഥാന പ്രസിഡൻറ് ഡോ. കെ.പി. അരവിന്ദൻ ക്ലാസെടുത്തു. സി.പി.എം ജില്ല കമ്മിറ്റി അംഗം ടി. ചന്തു, ഏരിയ സെക്രട്ടറി എം.പി. ഷിബു, സബീഷ്, കെ.ടി. ലിഖേഷ്, കെ.എൻ. ബിനോയ് കുമാർ, വി.എം. ഷാഹുൽ ഹമീദ്, കെ. രാധൻ, ബി.എസ് ഹരികുമാർ, പി.കെ. സതീശ് എന്നിവർ സംസാരിച്ചു. എ. ശശിധരൻ സ്വാഗതവും ടി.കെ. രുഗ്മാംഗദൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.