കക്കോടി: പൂനൂർ പുഴയോര നിവാസികൾക്ക് ജാഗ്രത നിർദേശം നൽകി ചേവായൂർ പൊലീസ്. കഴിഞ്ഞവർഷത്തെ വെള്ളപ്പൊക്കത്തിൽ ഏറ്റ വും കൂടുതൽ കെടുതിക്കിരയായ ജില്ലയിലെ പ്രദേശങ്ങളിലൊന്നാണ് പൂനൂർ പുഴയുടെ തീരങ്ങൾ. ചെറുവറ്റ, പൂളക്കടവ്, കണ്ണാടിക്കൽ, മോരിക്കര ഭാഗങ്ങളിൽനിന്ന് നൂറുകണക്കിന് കുടുംബങ്ങളെ കുടിയൊഴിപ്പിക്കേണ്ടിവന്ന പശ്ചാത്തലത്തിലാണ് ചേവായൂർ സി.ഐ ശംഭുനാഥ്, എസ്.ഐമാരായ ടി.എം നിധീഷ്, അബ്ദുൽ മജീദ് എന്നിവരുടെ നേതൃത്വത്തിൽ മുൻകരുതൽ നടപടികൾ സ്വീകരിക്കാൻ വീടുകളിലെത്തി അറിയിപ്പ് നൽകിയത്. സന്നദ്ധ സംഘടനകളും റെസിഡൻറ്സ് അസോസിയേഷൻ പ്രവർത്തകരും വിവിധ സ്ഥലങ്ങളിൽ വീട്ടുകാരുടെ സഹായത്തിനെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.