മുക്കം: ഹർത്താൽ ദിവസങ്ങളിൽ വ്യാപാര സ്ഥാപനങ്ങൾ തുറന്നുപ്രവർത്തിക്കുന്നതിൽ സർക്കാർ സംരക്ഷണം നൽകണമെന്ന് കേരള വ്യാപാരി വ്യവസായി സമിതി മുക്കം മേഖല യോഗം ആവശ്യപ്പെട്ടു. കഴിഞ്ഞ ഹർത്താലിൽ വ്യാപാര സ്ഥാപനങ്ങൾക്കു നേരെയുണ്ടായ ആക്രമണത്തിൽ ലക്ഷക്കണക്കിന് രൂപയാണ് നഷ്ടം സംഭവിച്ചത്. തുറന്നുപ്രവർത്തിക്കുമ്പോൾ സംരക്ഷണം സർക്കാർ ഉറപ്പുവരുത്തണം. മേഖല പ്രസിഡൻറ് കെ.എം. കുഞ്ഞവറാൻ അധ്യക്ഷത വഹിച്ചു. കുടുംബശ്രീ പ്രവർത്തകർ പ്രതിഷേധ പ്രകടനം നടത്തി മുക്കം: വനിതാമതിലുമായി ബന്ധപ്പെട്ട് കുടുംബശ്രീ സി.ഡി.എസ് ചെയർപേഴ്സൻ ബിന്ദുവിനെ യു.ഡി.എഫ് കൗൺസിലർ ഫോണിൽ ഭീഷണിപ്പെടുത്തിയെന്നാരോപിച്ച് കുടുംബശ്രീ സി.ഡി.എസ് പ്രവർത്തകർ മുക്കം നഗരത്തിൽ പ്രതിഷേധ പ്രകടനം നടത്തി. എ. കല്യാണിക്കുട്ടി, എ.എം. ജമീല, പ്രജിത, ത്രിവേണി, ഉഷാകുമാരി, പി. ലീല എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.