കൊടുവള്ളി: വ്യാജ സ്വർണക്കട്ടി നൽകി പണം തട്ടിയെടുത്തയാൾ പിടിയിൽ. തൃശൂർ തിരുവില്വാമല സുനിൽ എന്ന മനോജ് (25) ആണ് കൊടുവള്ളി പൊലീസിെൻറ പിടിയിലായത്. തട്ടിപ്പിനിരയായ കൊടുവള്ളി സ്വദേശി മിദ്ലാജിെൻറ പരാതിയിലാണ് ഇയാളെ വ്യാഴാഴ്ച അറസ്റ്റ് ചെയ്്തത്. സ്വർണക്കട്ടി വിൽക്കാൻ മിദ്ലാജിനെ സമീപിച്ച സുനിൽ ആദ്യം നല്ല സ്വർണം നൽകി മാറ്റ് പരിശോധനക്ക് വിധേയമാക്കി. പിന്നീട് വ്യാജ സ്വർണക്കട്ടി നൽകി ഏഴുലക്ഷം രൂപ തട്ടിയെടുത്തു. പരാതി ലഭിച്ചതോടെ കൂടുതൽ സ്വർണക്കട്ടി ആവശ്യമുണ്ടെന്നും ബാക്കിയുള്ള പണം നൽകാമെന്നും പറഞ്ഞ് പൊലീസ് സുനിലിനെ കൊടുവള്ളിയിലേക്ക് വിളിച്ചുവരുത്തി പിടികൂടുകയായിരുന്നു. ജോലിക്കിടെ പരിചയപ്പെട്ട രാജസ്ഥാൻ സ്വദേശി വഴിയാണ് സുനിൽ വ്യാജ സ്വർണക്കട്ടി സംഘടിപ്പിച്ച് വിൽപന നടത്തി പണം തട്ടിപ്പ് നടത്തുന്നതെന്നാണ് പൊലീസ് പറയുന്നത്. ഇയാളെ താമരശ്ശേരി കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.