കൊടുവള്ളി: കൊടുവള്ളി-ഓമശ്ശേരി റോഡിൽ കൊളത്തക്കരയിൽ ഓവുചാൽ തകർന്ന് വാഹനങ്ങൾക്കും കാൽനടക്കാർക്കും അപകട ഭീഷണിയായി. മാനിപുരം പാലം റോഡ് മുതൽ കൊളത്തക്കര അങ്ങാടി വരെയുള്ള ഭാഗത്തെ ഓവുചാലാണ് ഭിത്തിയടക്കം തകർന്നത്. ഈ ഭാഗത്തെ റോഡും തകർന്നിട്ടുണ്ട്. കാൽനടക്കാർക്ക് നടപ്പാതയില്ലാത്തതും റോഡിന് വീതികുറഞ്ഞ ഭാഗവുമാണിത്. കനത്ത മഴയിൽ വെള്ളത്തിെൻറ കുത്തൊഴുക്കിനെ തുടർന്ന് റോഡരികിലെ മണ്ണ് ഒലിച്ചുപോവുകയും വലിയ കുഴികൾ രൂപപ്പെടുകയും ചെയ്തിട്ടുണ്ട്. ഈ ഭാഗത്ത് വാഹനങ്ങൾക്ക് അരികുചേർന്ന് പോകാൻ കഴിയാത്ത നിലയിലാണ്. അപകടഭീഷണി നിലനിൽക്കുന്നതിനാൽ വടം കെട്ടിയിരിക്കുകയാണ് നാട്ടുകാർ. മാനിപുരം യു.പി സ്കൂളിലേക്കടക്കം ആളുകൾ നടന്നുപോകുന്ന ഭാഗമായതിനാൽ ഓവുചാലിെൻറ തകർച്ച കാൽനട ദുഷ്കരമാക്കിയിരിക്കുകയാണ്. നിരവധി വാഹന അപകടങ്ങളും ഈ ഭാഗത്ത് നടന്നിട്ടുണ്ട്. ഫോട്ടോ: Kdy-1 kolathakara ov chaal.jpg കൊടുവള്ളി-ഓമശ്ശേരി റോഡിൽ കൊളത്തക്കരയിൽ ഓവുചാൽ തകർന്ന നിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.