കൊടിയത്തൂർ: ഐ.എസ്.എം, എം.എസ്.എം കോഴിക്കോട് സൗത്ത് ജില്ല കമ്മിറ്റികൾ സംയുക്തമായി പഞ്ചായത്ത് മിനി സ്റ്റേഡിയത്തിൽ സംഘടിപ്പിച്ച സ്പോർട്സ് മത്സരത്തിൽ ബേപ്പൂർ മണ്ഡലം ചാമ്പ്യന്മാരായി. രണ്ടാം സ്ഥാനം തിരുവമ്പാടി മണ്ഡലം കരസ്ഥമാക്കി . രാവിലെ നടന്ന മാർച്ച് പാസ്റ്റിൽ 400ഓളം കായികതാരങ്ങൾ പങ്കെടുത്തു. ഐ.എസ്.എം സംസ്ഥാന ഉപാധ്യക്ഷൻ ഇസ്മായിൽ കരിയാട് ജില്ല പ്രസിഡൻറ് യൂനുസ് നരിക്കുനി, ഡോ. അൻവർ സാദത്ത് എന്നിവർ പരേഡിനെ അഭിവാദ്യം ചെയ്തു. കെ.സി.സി മുഹമ്മദ് അൻസാരി ട്രോഫികൾ വിതരണം ചെയ്തു. റഫീഖ് നല്ലളം അധ്യക്ഷത വഹിച്ചു. പി.സി. അബ്ദുറഹിമാൻ, അഫ്ത്താശ് ചാലിയം, ഒ.സി. കരീം മാസ്റ്റർ, അനീസ് ചേന്ദമംഗലൂർ, അദീബ് പൂനൂർ, പി.സി. നാസർ, നസീർ ചെറുവാടി, അമീൻ കരുവൻപൊയിൽ എന്നിവർ സംസാരിച്ചു. ഫുട്ബാൾ, കമ്പവലി, ഷട്ടിൽ എന്നീ ഗ്രൂപ്പിന മത്സരങ്ങളും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.