പന്തീരാങ്കാവ്: അർധരാത്രി വീടിനുനേരെ പെട്രോൾ ബോംബേറ്. കൂടത്തുംപാറ മരക്കാട്ട് മീത്തൽ രൂപേഷിെൻറ വീടിനു നേരെയാണ് ആക്രമണം ഉണ്ടായത്. ഞായറാഴ്ച രാത്രി 11.30ഓടെയാണ് സംഭവം. രാത്രി വലിയ സ്ഫോടനശബ്ദം കേട്ട് വീട്ടുകാർ ഉണർന്നപ്പോൾ തീ പടരുന്നതാണ് കണ്ടത്. ഉടൻ അണച്ചതിനാൽ വലിയ അപകടം ഒഴിവായി. വാതിലിനു സമീപം ആക്രമണത്തിന് ഉപയോഗിച്ച കുപ്പികൾ ചിതറിത്തെറിച്ച നിലയിലാണ്. ചെരിപ്പുകൾ കത്തിയമർന്നു. പെട്രോളിെൻറ ഗന്ധം ഉണ്ടായിരുന്നതായി വീട്ടുകാർ പറഞ്ഞു. വീടിനകത്ത് രൂപേഷും മാതാവും ഭാര്യയുമാണുണ്ടായിരുന്നത്. നല്ലളം എസ്.ഐ എസ്.ബി. കൈലാസ്നാഥിെൻറ നേതൃത്വത്തിൽ അന്വേഷണം ആരംഭിച്ചു. കോഴിക്കോട് സിറ്റി ഡോഗ്‌ സ്ക്വാഡും വിരലടയാള വിദഗ്ധസംഘവും സ്ഥലത്തെത്തി പരിശോധനകൾ നടത്തി. രൂപേഷ് സി.പി.എം അനുഭാവിയാണെങ്കിലും സംഭവത്തിന് രാഷ്ട്രീയ ബന്ധമില്ലെന്നാണ് െപാലീസ് നിഗമനം. പ്രതിയെക്കുറിച്ച് െപാലീസിന് സൂചന ലഭിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.