പേരാമ്പ്ര : നടുവണ്ണൂർ ഗ്രാമപഞ്ചായത്തിലെ പുതിയപ്പുറം-പൂവത്തുംചോല റോഡ് ഗതാഗത യോഗ്യമാക്കണമെന്ന് സംസ്ഥാന മനുഷ്യാവകാശ കമീഷൻ ആക്ടിങ് ചെയർപേഴ്സൻ പി. മോഹൻദാസ് ഉത്തരവിട്ടു. ഗുണഭോക്താവ് വീയൂർ സന്തോഷ് കുമാർ നൽകിയ പരാതിയെ തുടർന്നാണ് നടപടി. ഒന്നര കിലോമീറ്ററുള്ള ഈ റോഡ് നൂറോളം കുടുംബങ്ങൾ ഉപയോഗിക്കുന്നുണ്ട്. വളരെ പഴക്കമുള്ള ഈ റോഡ് നന്നാക്കാൻ പഞ്ചായത്തിൽ പരാതി നൽകിയിട്ടും ഒരു നടപടിയും ഉണ്ടാവാത്തതിനെ തുടർന്നാണ് കമീഷനെ സമീപിച്ചത്. ഫണ്ട് ലഭ്യമാകുന്ന സാഹചര്യത്തിൽ നിലവിലുള്ള മുൻഗണനക്രമത്തിൽ 2018-19 വാർഷിക പദ്ധതിയിൽ ഉൾപ്പെടുത്തി പൂർത്തിയാക്കി പ്രദേശവാസികളുടെ യാത്രാക്ലേശം പരിഹരിക്കാൻ നടപടി സ്വീകരിക്കണമെന്ന് ഗ്രാമപഞ്ചായത്ത് സെക്രട്ടറിക്കാണ് നിർദേശം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.