നടുവണ്ണൂർ: നടുവണ്ണൂർ ജി.എം.എൽ.പി സ്കൂളിൽനിന്ന് എൽ.എസ്.എസ് നേടിയ നഹ്വ നവാസിനെ പി.ടി.എയുടെ ആഭിമുഖ്യത്തിൽ അനുമോദിച്ചു. സ്കൂളിൽവെച്ച് നടന്ന ചടങ്ങ് ഗ്രാമപഞ്ചായത്ത് വിദ്യാഭ്യാസ-ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൻ ലത നള്ളിയിൽ ഉദ്ഘാടനം ചെയ്തു. വാർഡ് മെംബർ അഷ്റഫ് മങ്ങര അധ്യക്ഷത വഹിച്ചു. ഹെഡ്മാസ്റ്റർ ഇ. മുരളീധരൻ, പി.ടി.എ പ്രസിഡൻറ് മുഹമ്മദ് നവാസ്, സലീം നടുവണ്ണൂർ, യൂസഫ്, ഇ.കെ. ശശിധരൻ, എ.എം. ലൂസി, മുഹമ്മദലി എന്നിവർ സംസാരിച്ചു. പി. ഉഷ വാർഷിക റിപ്പോർട്ട് അവതരിപ്പിച്ചു. സ്റ്റാഫ് സെക്രട്ടറി കെ. മുബീർ നന്ദി പറഞ്ഞു. സ്കൂളിൽ ചേർന്ന ജനറൽ ബോഡിയിൽ രക്ഷിതാക്കൾക്കുള്ള ആരോഗ്യ ബോധവത്കരണ ക്ലാസിന് ഹെൽത്ത് ഇൻസ്പെക്ടർ സിദ്ദീഖ് നേതൃത്വം നൽകി. പി.ടി.എ ഭാരവാഹികളായി സലീം നടുവണ്ണൂർ (പ്രസി), മുഹമ്മദലി (വൈ. പ്രസി), ഷൈമ (എം.പി.ടി.എ പ്രസി) എന്നിവരെ തെരഞ്ഞെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.