പേരാമ്പ്ര: നിപ വൈറസ് ബാധയേറ്റ് മരിച്ച കൂരാച്ചുണ്ട് വട്ടച്ചിറയിലെ മാടമ്പള്ളി മീത്തൽ രാജെൻറ കുടുംബം താമസിക്കുന്ന വീട് ഏത് നിമിഷവും നിലംപൊത്താറായ നിലയിലാണ്. തുടർച്ചയായുണ്ടായ കനത്ത മഴയിൽ വീടിെൻറ മുറ്റത്തെ മണ്ണ് ഇടിഞ്ഞ് വീണിട്ടുണ്ട്. രാജെൻറ സഹോദരി ജാനു താമസിക്കുന്ന വീട്ടുമുറ്റത്തേക്കാണ് മണ്ണ് വീണത്. ഈ വീടും അപകടാവസ്ഥയിലാണ്. രാജെൻറ ഭാര്യയും അമ്മയും വിദ്യാർഥികളായ രണ്ട് പെൺമക്കളുമാണ് വീട്ടിലുള്ളത്. മഴ ശക്തമായി പെയ്യുന്നതോടെ ഭയത്തോടെയാണ് കുടുംബം ഇവിടെ താമസിക്കുന്നത്. ഇവരെ ഉടൻതന്നെ സുരക്ഷിതമായ മറ്റൊരു സ്ഥലത്തേക്ക് മാറ്റി താമസിപ്പിക്കണമെന്നും രാജെൻറ വിധവക്ക് സർക്കാർ ജോലി നൽകണമെന്നും റേഷൻ കാർഡ് അന്ത്യോദയ അന്നയോജന വിഭാഗത്തിലേക്ക് മാറ്റണമെന്നും സി.പി.ഐ കൂരാച്ചുണ്ട് ബ്രാഞ്ച് കമ്മിറ്റി ആവശ്യപ്പെട്ടു. ടി.കെ. ശിവദാസൻ, പീറ്റർ കിങ്ങിണിപ്പാറ, എ.കെ. പ്രേമൻ, വിനു മ്ലാക്കുഴി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.