ചുങ്കത്ത് മൂന്നു കടകളില്‍ മോഷണം; 60,000 രൂപ കവര്‍ന്നു താമരശ്ശേരി: ചുങ്കത്ത് മൂന്നു കടകളില്‍ മോഷണം; 60,000 രൂപ കവര്‍ന്നു. ചുങ്കത്ത് പലചരക്കുകട ഉള്‍പ്പെടെ മൂന്നു കടകളിലാണ് മോഷണം നടന്നത്. കുന്നുമ്മല്‍ കെ.ജി. ഉണ്ണിയുടെ പലചരക്കുകട, സമീപമുള്ള ഓയില്‍ കട, വര്‍ക്ക് ഷോപ് എന്നിവിടങ്ങളില്‍ വ്യാഴാഴ്ച രാത്രിയാണ് മോഷണം നടന്നത്. ഉണ്ണിയുടെ നിരപ്പലകയിട്ടിരുന്ന കടയുടെ പൂട്ട് തകര്‍ത്താണ് മോഷ്ടാവ് അകത്തുകയറിയത്. 60,000 രൂപ നഷ്ടപ്പെട്ടതായി കടയുടമ താമരശ്ശേരി പൊലീസില്‍ നല്‍കിയ പരാതിയില്‍ പറയുന്നു. രണ്ടാഴ്ച മുമ്പ് താമരശ്ശേരി ടൗണില്‍ പോസ്റ്റ് ഒാഫിസിനു സമീപമുള്ള മൂന്നു കടകളില്‍ ഷട്ടര്‍ തകര്‍ത്ത് മോഷണം നടത്തിയിരുന്നു. ഈ കേസ് പൊലീസ് അന്വേഷിച്ചുവരുമ്പോഴാണ് ചുങ്കത്ത് വീണ്ടും മൂന്നു കടകളില്‍കൂടി മോഷണം നടന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.