കോഴിക്കോട്: ജപ്പാനില് നടക്കുന്ന ഏഷ്യന് പസഫിക് ചില്ഡ്രന്സ് കണ്വെന്ഷനില് പെങ്കടുക്കാൻ ഒരു കോഴിക്കോട്ടുകാരിയും. കുട്ടികളില് സമാധാനവും അന്താരാഷ്ട്ര സൗഹൃദവും പ്രോത്സാഹിപ്പിക്കാന് ജാപ്പനീസ് സർക്കാർ നടത്തുന്ന കണ്വെന്ഷനില് ഉള്ള്യേരി സ്വദേശികളായ അഫ്സല് ബാബുവിെൻറയും സലൂജ അഫ്സലിെൻറയും മകള് ഐന് ആണ് പങ്കെടുക്കുന്നത്. കോഴിക്കോട് ആംഗ്ലോ ഇന്ത്യന് ഗേള്സ് ഹയര്സെക്കന്ഡറിയിലെ ഏഴാം ക്ലാസ് വിദ്യാർഥിയാണ് ഐന്. കേരളത്തില്നിന്ന് ഇത്തവണ ഐന് മാത്രമാണ് കണ്വെന്ഷനില് പങ്കെടുക്കാനായി അപേക്ഷിച്ചത്. 46 രാജ്യങ്ങളില് നിന്നുള്ള വിദ്യാര്ഥികളാണ് കണ്വെന്ഷനില് പങ്കെടുക്കുക. ഇന്ത്യയില്നിന്ന് ആറ് വിദ്യാർഥികളാണ് പങ്കെടുക്കുന്നത്. ജൂനിയര് ചേംബര് ഇൻറര്നാഷനലിെൻറ ഇന്ത്യ ഘടകമാണ് രാജ്യത്ത് പരിപാടി ഏകോപിപ്പിക്കുന്നത്. 10 ദിവസം നീണ്ടുനില്ക്കുന്ന പരിപാടിയിലൂടെ വിവിധ സംസ്കാരങ്ങളുടെ ഏകോപനമാണ് ലക്ഷ്യംവെക്കുന്നത്. വാര്ത്തസമ്മേളനത്തില് ജെ.സി.ഐ കൊയിലാണ്ടി പ്രസിഡൻറ് ഡോ. അനൂപ് കൃഷ്ണന്, ജെ.സി.ഐ ഇന്ത്യ മേഖല '21'െൻറ പ്രസിഡൻറ് ടി.പി. സുബീഷ്, ഐനിെൻറ പിതാവ് അഫ്സല് ബാബു എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.