കോഴിക്കോട്: ഇൻഡോർ സ്റ്റേഡിയത്തിൽ ചേർന്ന സംസ്ഥാന ടെന്നിസ് വോളിബാൾ അസോസിയേഷൻ ജനറൽ ബോഡി യോഗം പുതിയ ഭാരവാഹികളെ തെരഞ്ഞെടുത്തു. സംസ്ഥാന ചെയർമാനായി ബാലൻ അമ്പാടിയെയും സെക്രട്ടറിയായി ടി.എം. അബ്ദുറഹിമാൻ മാസ്റ്ററെയും തിരഞ്ഞെടുത്തു. മറ്റു ഭാരവാഹികൾ: ഡോ. രാമഭദ്രൻ (കൊല്ലം), എ. ശശീന്ദ്രൻ (പാലക്കാട്), എ.കെ. മുഹമ്മദ് അഷ്റഫ് (കോഴിക്കോട്) -വൈസ് പ്രസിഡൻറുമാർ. ജേക്കബ് ആലപ്പാട്ട് (തൃശൂർ), കരീം പുതുപ്പാടി (കോഴിക്കോട്), എം. മനോജ്കുമാർ (കാസർകോട്) -ജോയൻറ് സെക്രട്ടറിമാർ. പി. ശഫീഖ് (ട്രഷ). നിർവാഹകസമിതി അംഗങ്ങളായി ടി.വി. ഭാസി, അരുണാചലം, കെ. ശിവലാൽ, എ.ഡി. ജോൺ, കെ. സന്തോഷ് എന്നിവരെയും തിരഞ്ഞെടുത്തു. സംസ്ഥാന യൂത്ത് ചാമ്പ്യൻഷിപ് ഫെബ്രുവരി അവസാനവാരം ജില്ലയിൽ നടത്താൻ തീരുമാനിച്ചു. ദേശീയ സ്കൂൾ ഗെയിംസിൽ അംഗീകാരമുള്ള കേരള ടെന്നിസ് വോളിബാൾ അസോസിയേഷന് കേരള സ്പോർട്സ് കൗൺസിലിൽ അഫിലിയേഷൻ നൽകണമെന്ന് യോഗം സംസ്ഥാനസർക്കാറിനോട് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.