മാരാരിക്കുളം: ഇടഞ്ഞ ആന പാപ്പാെൻറ വലതുകൈ പറിച്ചെടുത്തു. കഞ്ഞിക്കുഴി പഞ്ചായത്ത് ഏഴാം വാർഡ് കൂറ്റുവേലി പ്രതാപെൻറ (48) കൈയാണ് ആനയുടെ ആക്രമണത്തിൽ അറ്റുപോയത്. ഞായറാഴ്ച വൈകീട്ടാണ് സംഭവം. കോലഞ്ചേരി പുതിയകാവ് ക്ഷേത്രത്തിലെ നാരായണൻ എന്ന ആനയെ പ്രതാപൻ പാട്ടത്തിനെടുത്തിരുന്നു. വീടിന് സമീപത്തെ പറമ്പിൽ തളച്ചിരുന്ന ആനക്ക് തീറ്റ കൊടുക്കുന്നതിനിടെ അക്രമാസക്തനാവുകയായിരുന്നു. തുമ്പിക്കൈകൊണ്ട് വലിച്ചെടുത്തശേഷം പ്രതാപെൻറ കൈയിൽ ചവിട്ടുകയായിരുന്നു. മുട്ടിന് മുകളിൽ കൈ അറ്റുപോയ നിലയിൽ പ്രതാപനെ ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പൊലീസിെൻറയും നാട്ടുകാരുടെയും ഏറെ നേരത്തെ ശ്രമത്തിനൊടുവിലാണ് ആനയുടെ സമീപം അറ്റുകിടന്ന കൈ എടുക്കാനായത്. പിന്നീട് നാട്ടുകാർ കൈ ആശുപത്രിയിലെത്തിക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.