കോഴിക്കോട്: ഏറെക്കാലത്തിന് ശേഷം മാനാഞ്ചിറ നിറഞ്ഞൊഴുകുന്നു. കഴിഞ്ഞയാഴ്ച നാട്ടിൽ പ്രളയം സൃഷ്ടിച്ച കനത്ത മഴയോടെയാണ് ചിറയിലും വെള്ളം നിറഞ്ഞത്. ചിറ നിറഞ്ഞ് റോഡ് മുങ്ങുന്നത് അപൂർവമാണ്. റോഡ് നിരപ്പിലാണ് ഇപ്പോൾ കുളത്തിലെ വെള്ളം. പടവുകൾ മുഴുവൻ മുങ്ങി ചുറ്റുമതിലിന് പുറത്തേക്ക് വെള്ളം ഒഴുകുന്നു. വേലിയേറ്റ നേരങ്ങളിൽ കഴിഞ്ഞ ഏതാനും ദിവസങ്ങളായി വെള്ളം പുറത്തേക്കൊഴുകുകയാണ്. താഴ്ചയുള്ള ടൗൺഹാൾ റോഡിലേക്കാണ് വെള്ളം ഒഴുകുന്നത്. സ്ഥിരമായി വെള്ളം ഒഴുകിത്തുടങ്ങിയതോടെ റോഡ് തകർന്നു. കോംട്രസ്റ്റ് റോഡിൽനിന്ന് ടൗൺഹാളിന് മുന്നിലേക്ക് വാഹനങ്ങൾ തിരിയുന്നിടത്താണ് വൻ കുഴി. കഴിഞ്ഞദിവസം മണ്ണിെട്ടങ്കിലും ഒഴുക്കിൽ വീണ്ടും കുഴികൾ വലുതായി. മാനാഞ്ചിറ സ്ക്വയറിെൻറ ടൗൺഹാൾ ഭാഗത്തെ ചുമരും അലങ്കാര വിളക്കും തകർന്നു. കോംട്രസ്റ്റിന് മുന്നിലെ റോഡും മാനാഞ്ചിറ സ്ക്വയറിെൻറ മതിലും അലങ്കാര വിളക്കുകളും തകർന്നിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.