കോഴിക്കോട്: പ്രളയ ദുരിതമുണ്ടായ സാഹചര്യത്തിൽ സംസ്ഥാന സ്പോർട്സ് കൗൺസിൽ ഭാരവാഹികൾ ഏഷ്യൻ ഗെയിംസ് യാത്ര ഉപേക്ഷിച്ചതായി പ്രസിഡൻറ് ടി.പി. ദാസൻ വാർത്തക്കുറിപ്പിൽ അറിയിച്ചു. പ്രസിഡൻറിനോടൊപ്പം വൈസ് പ്രസിഡൻറ് ഒളിമ്പ്യൻ മേഴ്സി കുട്ടൻ, സെക്രട്ടറി സഞ്ജയൻകുമാർ എന്നിവരാണ് യാത്ര ഒഴിവാക്കിയത്. യാത്രക്ക് സർക്കാർ നേരത്തേ അനുമതി നൽകുകയും 25ന് ഇന്തോനേഷ്യയിലേക്ക് പോകാൻ ക്രമീകരണം നടത്തിയതുമാണ്. പ്രസിഡൻറും വൈസ് പ്രസിഡൻറും യാത്ര റദ്ദാക്കിയെന്നും സെക്രട്ടറി മാത്രം പോകുന്നുവെന്നുമുള്ള വാർത്തക്ക് അടിസ്ഥാനമില്ല. മൂന്നുപേരും ഒരുമിച്ച് യാത്ര റദ്ദാക്കുകയാണ് ചെയ്തതെന്നും ടി.പി. ദാസൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.