കോഴിക്കോട്: കേരള ലോക്കൽ ബോഡീസ് മെംബേഴ്സ് ലീഗ് സമര പ്രഖ്യാപന സമ്മേളനം സെപ്റ്റംബർ ആദ്യവാരം കോഴിക്കോട്ട് നടക്കുമെന്ന് പ്രസിഡൻറ് സൂപ്പി നരിക്കാട്ടേരി വാർത്തസമ്മേളനത്തിൽ അറിയിച്ചു. തദ്ദേശ സ്വയംഭരണ സ്ഥാപനങ്ങളുടെ അധികാരങ്ങളും ഫണ്ടും കവർന്നെടുക്കുന്ന സംസ്ഥാന സർക്കാറിെൻറ തെറ്റായ നയങ്ങൾക്കെതിരെയാണ് സമരപ്രഖ്യാപനം. വിട്ടുനൽകിയ അധികാരങ്ങൾ തിരിച്ചുപിടിക്കുന്ന തരത്തിലുള്ള ഉത്തരവുകളും സർക്കുലറും പിൻവലിക്കുക, വെട്ടിക്കുറച്ച പദ്ധതി വിഹിതവും കേന്ദ്ര -സംസ്ഥാന വിഹിതവും പുനഃസ്ഥാപിക്കുക, ക്ഷേമ പെൻഷൻ മുൻകാല പ്രാബല്യത്തോടെ നൽകുക തുടങ്ങിയ ആവശ്യങ്ങൾ മുൻനിർത്തിയാണ് സമരം നടത്തുക. സി.എച്ച് ഓഡിറ്റോറിയത്തിൽ പി.കെ. കുഞ്ഞാലിക്കുട്ടി എം.പി സമരപ്രഖ്യാപനം നടത്തും. സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലെ മുഴുവൻ മുസ്ലിം ലീഗ് ജനപ്രതിനിധികളും പങ്കെടുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.