തിരുവമ്പാടി: രാത്രിയിൽ വീടുകളിൽ സാമൂഹിക വിരുദ്ധരുടെ അക്രമം. തിരുവമ്പാടി പൊലീസ് സ്റ്റേഷന് സമീപത്തെ വീടുകളിലാണ് സംഭവം. കോട്ടമ്മൽ നിഷാദിെൻറ വീട്ടു വരാന്തയിൽ നിർത്തിയിട്ട സ്പോർട്സ് സൈക്കിൾ രണ്ട് വീടുകൾക്ക് അപ്പുറമുള്ള തൊഴുത്തിനോട് ചേർന്ന ചാണകക്കുഴിയിൽ ഞായറാഴ്ച രാവിലെ നശിപ്പിച്ച നിലയിൽ കണ്ടെത്തി. സമീപത്തെ വീട്ടിൽ കുടിവെള്ള ടാങ്കിൽ സോപ്പും സോപ്പ് പെട്ടികളും ഇട്ട നിലയിൽ കണ്ടു. മറ്റൊരു വീടിെൻറ പുറത്തെ അടുക്കളയിൽ വെച്ചിരുന്ന ചോറിൽ കോഴിത്തീറ്റയും കോഴികാഷ്ഠവും ഇട്ട നിലയിലായിരുന്നു. ഒരു വീട്ടിലെ വരാന്തയിലെ ബൾബും അടിച്ച് പൊട്ടിച്ചിട്ടുണ്ട്. ശനിയാഴ്ച രാത്രിയാണ് അക്രമം നടന്നത്. പ്രദേശത്തെ മിക്ക വീടുകളിലെയും ആളുകൾ ഒരു പരിപാടിയിൽ പങ്കെടുക്കാൻ പുറത്തുപോയതായിരുന്നു. രാത്രി വൈകിയാണ് ഇവർ വീടുകളിലെത്തിയത്. തിരുവമ്പാടി എസ്.ഐ സനൽ രാജിെൻറ നേതൃത്വത്തിൽ പൊലീസ് സ്ഥലത്തെത്തി അന്വേഷണം ആരംഭിച്ചു. പരിപാടികൾ ഇന്ന് കൊടിയത്തൂർ: സോളിഡാരിറ്റി പൊതുയോഗം 'മതം മതേതരത്വം മാർക്സിസം' -ഡോ: ആർ. യൂസുഫ് -7.00
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.