ന്യൂഡൽഹി: ഇന്ധനവില ദിവസവും മാറുന്നതുമൂലം പെട്രോളിനും ഡീസലിനും എട്ടു ശതമാനം വില വർധിച്ചതായി െഎ.സി.ആർ.എയുടെ കണക്കുകൾ. അന്താരാഷ്ട്ര തലത്തിൽ പെട്രോളിെൻറ വില 14 ശതമാനം വർധിച്ചിട്ടുണ്ട്. സമാന്തരമായി പെട്രോൾ പമ്പ് ഇടപാടുകാരുടെ കമീഷനിലും വർധനയുണ്ടായി. ന്യൂഡൽഹിയിൽ ജൂൺ മാസത്തിൽ ലിറ്ററിന് 65.23 രൂപയാണെങ്കിൽ ഇപ്പോൾ 70.41 രൂപയായി. 7.9 ശതമാനം വർധന. അന്താരാഷ്ട്ര വിപണിയിൽ എണ്ണവില ഉയർന്നതോടെ ഇടപാടുകാരുടെ കമീഷൻ 2.55 രൂപയിൽനിന്ന് 40 ശതമാനം കൂടി 3.57 രൂപയായി. സ്ഥിരമായി ഇന്ധനവില വർധിക്കുന്നതും എക്സൈസ് തീരുവ, വാറ്റ് തുടങ്ങിയ നികുതികളിലെ ക്രമീകരണത്തിെൻറ അഭാവവും സമ്പദ്വ്യവസ്ഥയിലെ പണപ്പെരുപ്പത്തിന് കാരണമാകുമെന്നും െഎ.സി.ആർ.എ മുന്നറിയിപ്പ് നൽകുന്നു. ജൂൺ 16നാണ് സർക്കാർ ഇന്ധനക്കമ്പനികൾക്ക് ദിവസവും വില നിർണയിക്കാനുള്ള അധികാരം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.