മിന്നലേറ്റ്​ ആട്​ ചത്തു

നന്മണ്ട: ചൊവ്വാഴ്ചയുണ്ടായ മിന്നലിൽ എഴുകുളം നാട്ടിപാറക്കൽ കെ.എം. ബാല​െൻറ ആട് ചത്തു. വീടിന് കേടുപാടുകൾ സംഭവിച്ചു. സ്വിച്ച് ബോർഡ് കത്തി നശിച്ചു. വിറക്പുരയിൽ കമ്പിപ്പാരയുമായി നിൽക്കുകയായിരുന്ന ബാലനും പരിക്കേറ്റിട്ടുണ്ട്. കല്ലുകളും മറ്റും ഇദ്ദേഹത്തി​െൻറ ദേഹത്ത് പതിച്ചാണ് പരിക്ക്. 25,000 രൂപയുടെ നഷ്ടം കണക്കാക്കുന്നു. ഒാണാഘോഷം നന്മണ്ട: ഡി.വൈ.എഫ്.െഎ നന്മണ്ട 13 യൂനിറ്റ് സംഘടിപ്പിച്ച ഒാണാഘോഷം കക്കോടി ബ്ലോക്ക് പ്രസിഡൻറ് അനൂപ് ഉദ്ഘാടനം ചെയ്തു. പഞ്ചായത്ത് പ്രസിഡൻറ് കുണ്ടൂർ ബിജു മുഖ്യാതിഥിയായി. പി.കെ. ജിനീഷ് അധ്യക്ഷത വഹിച്ചു. ഡോ. നാരായണൻ, ബിനീഷ് ഏറഞ്ചേരി, കെ.കെ. അനിൽ കുമാർ, പ്രതിൽലാൽ, രതീഷ് കുന്നുമ്മൽ എന്നിവർ സംസാരിച്ചു. കലാ കായിക മത്സരങ്ങളും വിജയികൾക്ക് സമ്മാന വിതരണവും നടന്നു.