എളേടത്ത്​ കോയയുടെ നിര്യാണം നന്മണ്ടയെ ദുഃഖത്തിലാഴ്​ത്തി

നന്മണ്ട: നന്മണ്ടയിലും പരിസരപ്രദേശങ്ങളിലും കമ്യൂണിസ്റ്റ് പാർട്ടി കെട്ടിപ്പടുക്കാൻ പരിശ്രമിച്ച എളേടത്ത് കോയയുടെ നിര്യാണം നാടിനെ ദുഃഖത്തിലാഴ്ത്തി. പാറോൽ കൃഷ്ണൻ നായർ, എ.കെ. ചെക്കിണി, വി. അപ്പുകിടാവ്, വി. മാധവൻ നായർ, ഗോവിന്ദൻ വൈദ്യർ, മൂസ എന്നിവരോടൊപ്പം പ്രവർത്തിച്ച ഇദ്ദേഹം എ.കെ എന്ന പേരിലാണ് സുപരിചിതം. ഒേട്ടറെ മിച്ചഭൂമി സമരത്തിനും മറ്റും മുൻപന്തിയിൽ നിന്നു. നന്മണ്ടയിൽ ചക്കിക്കു വേണ്ടി നടത്തിയ കുടികിടപ്പ് സമരത്തി​െൻറ പോർമുഖത്തെ പ്രധാന വ്യക്തിയും ഇദ്ദേഹമായിരുന്നു. കക്ഷി രാഷ്ട്രീയത്തിനതീതമായി എല്ലാ പ്രശ്നങ്ങളിലും മുന്നിട്ടു നിൽക്കുമായിരുന്നു. സി.പി.എം ജില്ല നേതാക്കളും മറ്റു രാഷ്ട്രീയ പാർട്ടി നേതാക്കളും പരേതന് ആദരാഞ്ജലികളർപ്പിച്ചു.