ബി.ജെ.പി വോട്ടിന്​ വേണ്ടി വിഭാഗീയത വളർത്തുന്നു

ബി.ജെ.പി വോട്ടിനുവേണ്ടി വിഭാഗീയത വളർത്തുന്നു കുന്ദമംഗലം: വോട്ടിനുവേണ്ടി വിഭാഗീയത വളർത്തി രാജ്യത്തെ സാമുദായികമായി വിഭജിക്കുന്ന പണിയാണ് ബി.ജെ.പി നടത്തുന്നതെന്ന് മുസ്ലിംലീഗ് നേതാവ് പി.കെ. കുഞ്ഞാലിക്കുട്ടി എം.പി. കേന്ദ്ര-കേരള സർക്കാറുകളുടെ ജനദ്രോഹ നയങ്ങൾക്കെതിരെ മുസ്ലിംലീഗ് കുന്ദമംഗലം പഞ്ചായത്ത് കമ്മിറ്റി സംഘടിപ്പിച്ച പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്തി​െൻറ ഭരണഘടനയിൽനിന്ന് തിരിച്ചുനടന്ന് ഇന്ത്യയെ നശിപ്പിക്കുകയാണ് ബി.ജെ.പി. കേരളമാകെട്ട കേന്ദ്രത്തിലുള്ള ബി.ജെ.പി സർക്കാറുമായി ഒത്തുതീർപ്പ് രാഷ്ട്രീയം കളിക്കുകയാണ്. കേരളം യു.ഡി.എഫ് ഭരിച്ചിരുന്നപ്പോൾ വികസനമായിരുന്നു ചർച്ചയെങ്കിൽ ഇപ്പോൾ മദ്യമുതലാളിമാർക്ക് ഒത്താശ ചെയ്തുകൊടുക്കുന്നതാണ് ചർച്ചയെന്നും അദ്ദേഹം പറഞ്ഞു. ഒ. ഉസൈൻ അധ്യക്ഷത വഹിച്ചു. ഉമ്മർ പാണ്ടികശാല, എം.എ. റസാഖ്, യു.സി. രാമൻ, മൂസ മൗലവി, ഖാലിദ് കിളിമുണ്ട, അൻവൻ സാദത്ത് പാലക്കാട്, എൻ.സി. അബൂബക്കർ, കെ.പി. കോയ, എ.കെ. ഷൗക്കത്തലി, ഒ. സലീം എന്നിവർ സംസാരിച്ചു. പടം: kgm 1 കുന്ദമംഗലം പഞ്ചായത്ത് മുസ്ലിംലീഗ് പൊതുയോഗം പി.കെ. കുഞ്ഞാലിക്കുട്ടി എം.പി ഉദ്ഘാടനം ചെയ്യുന്നു