അത്തോളി: നിയന്ത്രണംവിട്ട ജീപ്പ് കടയിലേക്ക് ഓടിക്കയറി. കടയുടെ ഉടമസ്ഥൻ അത്ഭുതകരമായി രക്ഷപ്പെട്ടു. അത്തോളി അങ്ങാടിയിൽ അബ്ദുറഹ്മാെൻറ വി.ടി സെൻറർ കടയിലേക്കാണ് ജീപ്പ് കയറിയത്. കരിപ്പൂർ എയർപോർട്ടിൽനിന്നു യാത്രക്കാരുമായി വാണിമേലിലേക്ക് പോവുകയായിരുന്ന ജീപ്പ് ഓട്ടോറിക്ഷയിൽ തട്ടിയശേഷം ബൈക്കിൽ തട്ടി നിയന്ത്രണംവിടുകയായിരുന്നു. ഉച്ചക്ക് രേണ്ടാടെയാണ് സംഭവം. ഓട്ടോറിക്ഷ ഡ്രൈവർക്ക് നിസ്സാര പരിക്കേറ്റു. കടക്കുമുന്നിലുള്ള ആളുകൾ ഓടി രക്ഷപ്പെട്ടതിനാൽ വൻ അപകടം ഒഴിവാകുകയായിരുന്നു. സ്റ്റേഷനറി സാധനങ്ങൾ നശിച്ചിട്ടുണ്ട്. അത്തോളി പൊലീസ് സ്ഥലത്തെത്തി മൂന്ന് വാഹനങ്ങളും സ്റ്റേഷനിലെത്തിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.