പേരാമ്പ്ര: ചേനോളി പള്ളിമുക്കിനു സമീപം വയൽ മണ്ണിട്ട് നികത്താനുള്ള സ്വകാര്യ വ്യക്തിയുടെ നീക്കം നാട്ടുകാർ നൽകിയ പരാതിയെ തുടർന്ന് അധികൃതർ തടഞ്ഞു. ശനിയാഴ്ച മണ്ണും കല്ലും ഇറക്കി വയലിെൻറ അതിർത്തി കെട്ടുന്ന പ്രവൃത്തിയാണ് നിർത്തിവെക്കാൻ ആവശ്യപ്പെട്ടത്. ഡി.വൈ.എഫ്.ഐ നേതാവിെൻറ നേതൃത്വത്തിലാണ് വയൽ മണ്ണിട്ട് നികത്താൻ നീക്കംനടത്തിയതെന്ന് യു.ഡി.എഫ് ആരോപിച്ചു. അനധികൃത വയൽ നികത്തലിനെതിരെ സമരം ചെയ്യുന്നവർതന്നെ ഇതിന് കൂട്ടുനിൽക്കുന്നത് ഇരട്ടത്താപ്പാണെന്ന് യു.ഡി.എഫ് പറയുന്നു. വയൽ നികത്തി മറിച്ചുവിൽക്കുന്ന ഒരു സംഘംതന്നെ പ്രദേശത്ത് പ്രവർത്തിക്കുന്നുണ്ട്. ഇവർക്കെതിരെ ശക്തമായ നടപടി വേണമെന്നും യു.ഡി.എഫ് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.