മേപ്പയൂർ: പാവട്ടുകണ്ടിമുക്കിൽ മണാട്ട് മീത്തൽ അമ്മതിെൻറ വീട്ടിലെ ഗ്യാസ് സിലിണ്ടർ ചോർന്നത് നാട്ടുകാരെ ഭീതിയിലാഴ്ത്തി. വീട്ടുകാരുടെ സമയോചിതമായ ഇടപെടൽമൂലം വൻ അപകടം ഒഴിവായി. വടകരയിൽ ഭാരത് ഗ്യാസ് ഏജൻസി വിതരണം ചെയ്ത സിലിണ്ടറിലാണ് ചോർച്ചയുണ്ടായത്. പാചകവാതകത്തിെൻറ രൂക്ഷഗന്ധം അനുഭവപ്പെട്ടതിനെ തുടർന്നാണ് വീട്ടുകാരുടെ ശ്രദ്ധയിൽപെടുന്നത്. ഉടൻ സിലിണ്ടർ പുറത്തേക്ക് മാറ്റുകയായിരുന്നു. വിവരമറിയിച്ചതിനെ തുടർന്ന് പേരാമ്പ്രയിൽ നിന്നെത്തിയ ഫയർഫോഴ്സ് സംഘം സുരക്ഷ നടപടികൾ എടുക്കുകയായിരുന്നു. സിലിണ്ടറിലെ വാഷറിെൻറ തകരാറുമൂലമാണ് ചോർച്ചയുണ്ടായതെന്ന് ഫയർഫോഴ്സ് പറഞ്ഞു. സിലിണ്ടറിെൻറ സുരക്ഷ പരിശോധിച്ച് ഉറപ്പുവരുത്തേണ്ട ഉത്തരവാദിത്തം നിർവഹിക്കുന്നതിൽ ഗ്യാസ് ഏജൻസി കാണിക്കുന്ന അനാസ്ഥയിൽ ഉപഭോക്താക്കളിൽ വലിയ പ്രതിഷേധമുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.